ଜଳେଶ୍ୱର (ସମୃଦ୍ଧ ଓଡିଶା) ବାଲେଶ୍ୱର ଅବକାରୀ ଏସ୍ପି ବିବେକାନନ୍ଦ ନାୟକଙ୍କ ନିର୍ଦ୍ଦେଶ କ୍ରମେ ଉପାନ୍ତ ଅଂଚଳରେ ପଶ୍ଚିମବଗ ମାର୍କା ମଦ ବିକ୍ରି ହେଉଥିବାରୁ ଏହାକୁ ଜବତ୍ କରିବାପାଇଁ ବାଲେଶ୍ୱର ସଦରରେଞ୍ଜ ଆଇଆଇସି ଅଜୟ କୁମାର ବେହେରାଙ୍କ ତତ୍ୱାବଧାନରେ ଏକ ଟିମ୍ ଜଳେଶ୍ୱର ଅବାକରୀ ଓଆଇସି ହରପ୍ରସାଦ ରଣାଙ୍କ ନେତୃତ୍ୱରେ ଏକ ୬ଜଣିଆ ଟିମ୍ ଜଳେଶ୍ୱର ସହରତଳି ଅଂଚଳରେ ଆଜି ଚଢାଉ କରିଛନ୍ତି । ପଂଚୁଘଣ୍ଟା ଜେଲ ରୋଡ, ଶାସନ ବାର୍ଡ ଓ ହାଟଛକର କେତେକ ସ୍ଥାନରେ ଚଢାଉ କରି ପଶ୍ଚିମବଂଗ ମାର୍କା ୬୦ଲିଟର ଦେଶୀ ମଦ ଜବତ୍ କରିବା ସହ ୨ ଜଣ ଚୋରା ମଦବ୍ୟବସାୟୀଙ୍କୁ ଗିରଫ କରାଯାଇଛି । ପ୍ରକାଶ ଯୋଗ୍ୟ ଉପାନ୍ତ ଅଂଚଳରେ ଅନ୍ୟଏକ ଜଣାଶୁଣା ମଦବ୍ୟବସାୟୀ ସେକ୍ ଜାଫିର୍ ଫେରାର୍ ହୋଇ ଯାଇଛି । ସେକ୍ ଜାଫିର ଜଳେଶ୍ୱର ସହରତଳି ଗୋପ, ପଂଚୁଘଣ୍ଟା, ବିରେଶପୁର, ଲକ୍ଷ୍ମଣନାଥ, ଗୋବରଘଟ୍ଟା, ହାଟସାହି ଅଂଚଳରେ ବ୍ୟାପକ ଚୋରାମଦ ଚାଲିଥିବାରୁ ସେଥିପ୍ରତି ଅବକାରୀ ବିଭାଗ ସଜାଗ ଅଛି ବୋଲି କହିଥିଲେ । ଏହି ଚଢାଉବେଳେ ପଂଚୁଘଣ୍ଟାର ବିଶ୍ୱନାଥ ହେମ୍ବ୍ରମ(୬୫), କାହ୍ନୁ ସିଂ(୨୦)କୁ ଗିରଫ କରାଯାଇଛି । ଏହି ଚଢାଉରେ ଦୋଳଗୋବିନ୍ଦ ଧଳ, ମିନତୀ ଜେନା, ରାଜୀବ ଭଂଜ, ମଂଗଲ ସିଂ ପ୍ରମୁଖ ସାମିଲ ଥିଲେ ।
ରିପୋର୍ଟ : ଭୂପତି କୁମାର ପରିଡା