କବିସୂର୍ଯ୍ୟନଗର (ସମୃଦ୍ଧ ଓଡିଶା) ସିପିଆଇ କଂଗ୍ରେସ ସମର୍ଥିତ ଲୋକସଭା ସାଂସଦ ପ୍ରାର୍ଥୀ ରାମକୃଷ୍ଣ ପଣ୍ଡା ନିଜ ସମର୍ଥକଙ୍କୁ ନେଇ ନିର୍ବାଚନ ପ୍ରଚାର କରି ଏକ ଶୋଭାଯାତ୍ରାରେ ଧନେଇ ନଦୀଠାରୁ ବାହାରି ସ୍ଥାନୀୟ ମିନିଷ୍ଟାଡିୟମରେ ପହଞ୍ଚିଥିଲେ । ଏହି ଶୋଭାଯାତ୍ରାରେ ଏଆଇଟିୟୁସି ସଭାପତି ପ୍ରବୀଣ ଦାସଙ୍କ ନେତୃତ୍ୱରେ ବହୁ ସଂଖ୍ୟାରେ ମହିଳା ଓ ପୁରୁଷ ଯୋଗ ଦେଇଥିଲେ । ମିନିଷ୍ଟାଡିୟମ ଠାରେ ଆୟୋଜିତ ସଭାରେ କେନ୍ଦ୍ରୀୟ ସମ୍ପାଦକ ଅମରଜିତ କାଉର, ଏଆଇୟୁଟିସି ସାଧାରଣ ସମ୍ପାଦକ ସୌରବନ୍ଧୁ କର, ବେଗୁନିଆପଡ଼ାର ଜୋନାଲ ସମ୍ପାଦକ ରଙ୍କନିଧି ସ୍ୱାଇଁ, ସୁଦର୍ଶନ ସ୍ୱାଇଁ, ନାରୀନେତ୍ରୀ ଚିନ୍ମୟୀ ସାହାଣୀ ଓ ପ୍ରଭାବତୀ ଦାସ ଏବଂ ଶ୍ରମିକ ନେତା ମହେଶ୍ୱର ରାଉତ ପ୍ରମୁଖ ଯୋଗଦେଇ ସାଂସଦ ପ୍ରାର୍ଥୀଙ୍କୁ ଜିତାଇବାକୁ ଉପସ୍ଥିତ ଜନସାଧାରଣଙ୍କୁ ନିବେଦନ କରିଥିଲେ ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା