ଭଞ୍ଜନଗର (ସମୃଦ୍ଧ ଓଡିଶା) ସିବିଏସ୍ଇ ୧୦ମ ଶ୍ରେଣୀ ପରୀକ୍ଷା ଫଳ ବୁଧବାର ପ୍ରକାଶିତ ହୋଇଛି । ଏଥିରେ ଭଞ୍ଜନଗର ପଣ୍ଡିତ ଶ୍ରୀଧର ରଥ ଡିଏଭି ସ୍କୁଲ, କେନ୍ଦ୍ରୀୟ ବିଦ୍ୟାଳୟ, ସେଣ୍ଟ ଜାଭିୟର ସ୍କୁଲର ଛାତ୍ରଛାତ୍ରୀମାନେ ଭଲ ଫଳ ପ୍ରଦର୍ଶନ କରିଛନ୍ତି । ଏଥିସହ ଭଞ୍ଜନଗର ସହରତଳି ଢ଼ିହପଢାଳ ଗ୍ରାମର ଆଇନଜୀବୀ ଶତ୍ରୁଘ୍ନ ମିଶ୍ରଙ୍କ ପୁତ୍ର ସମ୍ବିତ୍ ମିଶ୍ର ୯୮.୬୦ ପ୍ରତିଶତ ମାର୍କ ରଖି ଉତ୍ତୀର୍ଣ୍ଣ ହୋଇଛନ୍ତି । ସେ ଭୁବନେଶ୍ୱର ପୋଖରୀପୁଟ ଡିଏଭି ସ୍କୁଲରେ ପଢ଼ୁଥିଲେ । ସ୍କୁଲରେ ସମ୍ବିତ୍ ୪ଥ ସ୍ଥାନ ରଖିଥିବା ତାଙ୍କ ପିତା ଶ୍ରୀ ମିଶ୍ର ସୂଚନା ଦେଇଛନ୍ତି । ସମ୍ବିତଙ୍କ ଏହି ସଫଳତାରେ ଅଞ୍ଚଳବାସୀ ଖୁସି ବ୍ୟକ୍ତ କରିଛନ୍ତି ।
ରିପୋର୍ଟ – ନିଲୁ ବିଷୋୟୀ