ଛତ୍ରପୁର (ସମୃଦ୍ଧ ଓଡିଶା) ସ୍ଵେଚ୍ଛାସେବୀ ସଂଗଠନ ଟିମ କ୍ଲିନ ସିଟି ପକ୍ଷରୁ ଗରିବ ତଥା ଅସହାୟ ଲୋକଙ୍କୁ ସହାୟତା ଯୋଗାଇବା କାର୍ଯ୍ୟ ଜାରି ରହିଥିବା ବେଳେ ଗତକାଲି ଛତ୍ରପୁର ଠାରେ ଜଣେ ବ୍ୟକ୍ତିଙ୍କୁ ଉଦ୍ଧାର କରାଯାଇ ସେବା ଯୋଗାଇ ଦିଆଯାଇଥିଲା । ଆଜି ସ୍ଥାନୀୟ ସମାଜସେବି ସାମ୍ବାଦିକ ସମୃଦ୍ଧ ଓଡିଶା ନିଉଜର ଜିଲ୍ଲା ପ୍ରତିନିଧି ନିମାଇଁ ଚରଣ ପଣ୍ଡାଙ୍କ ନେତୃତ୍ଵରେ କ୍ଲିନ ସିଟି ଗୃପକୁ ଜି ତାରିଣୀ ଦୋରା ନାମକ ଗରିବ ଓ ପାଗଳ ବ୍ୟକ୍ତିଙ୍କ ବିଷୟରେ ଅବଗତ କରାଯାଇଥିଲା । ଏହାପରେ ସ୍ଵେଚ୍ଛାସେବୀ ସଂଗଠନ ଟିମ କ୍ଲିନ ସିଟି ତୁରନ୍ତ ସେଠାରେ ପହଞ୍ଚି ସେହି ଗରିବ ତଥା ପାଗଳ ବ୍ୟକ୍ତିଙ୍କୁ ଉଦ୍ଧାର କରିଥିଲା । ଯାହା ଟିମ ପକ୍ଷରୁ ଚାଲିଥିବା ଅଭିଯାନର ୨୬ତମ ଉଦ୍ଧାର କାର୍ଯ୍ୟ ବୋଲି ଜଣାପଡିଛି । ଉଦ୍ଧାର କରାଯାଇଥିବା ବ୍ୟକ୍ତିଙ୍କ ଘର ଆସ୍କା ନିକଟସ୍ଥ ଧୋବାପଲ୍ଲୀରେ ବୋଲି ସୂଚନା ମିଳିଛି । ତେବେ ମସ୍ତିକ ବିକୃତି ପରେ ସେ ଦୀର୍ଘଦିନ ଧରି ଛତ୍ରପୁରରେ ଏଣେତେଣେ ବୁଲୁଥିଲେ । ତାରିଣୀଙ୍କୁ ଉଦ୍ଧାର କରିବା ପରେ ତାଙ୍କର ସହମତି କ୍ରମେ ତଥା ସ୍ଥାନୀୟ ବ୍ୟକ୍ତି ବିଶେଷଙ୍କ ସହଯୋଗରେ ଟିମ କ୍ଲିନ ସିଟି ସଦସ୍ୟଙ୍କ ଦ୍ୱାରା ସେବା ଓ ସହାୟତା ଯୋଗାଇ ଦିଆଯାଇଥିଲା । ତାରିଣୀଙ୍କୁ ସଫାସୁତୁରା କରି ନୂତନ ବସ୍ତ୍ର ପରିଧାନ କରିବା ପରେ ସେ ପାଗଳ ହେଲେ ସୁଦ୍ଧା ଟିମ ସଦସ୍ୟଙ୍କ ସେବାକୁ ଦେଖି ତାଙ୍କ ଆଖିରୁ ଲୁହ ଝରି ପଡିଥିଲା । ସେ ପାଗଳ ସତ୍ତ୍ୱେ ଏଥିପାଇଁ ସମସ୍ତଙ୍କୁ କୃତଜ୍ଞତା ଓ ଆଶୀର୍ବାଦ ପ୍ରଦାନ କରିଥିଲେ । ଆଜିର ଏହି ମହତ କାର୍ଯ୍ୟରେ ଟିମ ପକ୍ଷରୁ ରାଜେଶ କୁମାର ସାହୁ, ରାଜେନ୍ଦ୍ର କୁମାର ପାତ୍ର, ଦୀନେଶ ପଟ୍ଟନାୟକ, ସନ୍ତୋଷ ପାତ୍ର ଓ ଶକ୍ତିଧର ରାଜଗୁରୁ ଥିବାବେଳେ ଏଥିରେ ଛତ୍ରପୁରର ଏସ ରାମ ମୋହନ ରାଓ, ପୁଲିନ ପଟ୍ଟନାୟକ, ରୁଇନା ପଟ୍ଟନାୟକ, ରାଜେନ୍ଦ୍ର ପଲାଇ, ଜି ମନୋଜ ରେଡ୍ଡୀ, ଜଗନ୍ନାଥ ରାଓ, ବସନ୍ତ ବେହେରା, କାଳି ସାହୁ, ପ୍ରଦୋଷ ବେହେରା, ଇ. ନାଗେଶ୍ୱର ରାଓ ଓ ସାମ୍ବାଦିକ ସମୃଦ୍ଧ ଓଡିଶା ନିଉଜର ଜିଲ୍ଲା ପ୍ରତିନିଧି ନିମାଇଁ ଚରଣ ପଣ୍ଡା ପ୍ରମୁଖ ସହଯୋଗ କରିଥିଲେ । ସ୍ଥାନୀୟ ଲୋକଙ୍କ ଓ ସାମ୍ବାଦିକ ଭାଇଙ୍କ ଏହିପରି କାର୍ଯ୍ୟକୁ ଛତ୍ରପୁର ବୁଦ୍ଧିଜିବିମାନେ ଅଭିନନ୍ଦନ ଜଣାଇବା ସହ ପ୍ରସଂଶା କରିଛନ୍ତି ।
ରିପୋର୍ଟ : ଜିଲ୍ଲା ପ୍ରତିନିଧି ନିମାଇଁ ଚରଣ ପଣ୍ଡା
