ହିଞ୍ଜିଳିକାଟୁ (ସମୃଦ୍ଧ ଓଡିଶା) ହିଞ୍ଜିଳିକାଟୁ ଥାନା ଅନ୍ତର୍ଗତ ତହଁର ଗ୍ରାମରେ ବୁଧବାର ତଥା ଗତକାଲି ସନ୍ଧ୍ୟା ବେଳେ ବଜ୍ରପାତ ହୋଇଥିଲା । ଯାହା ଫଳରେ ଦୁଇ ମହିଳା ଗୁରୁତର ଆହତ ହୋଇଛନ୍ତି । ସେମାନଙ୍କୁ ସ୍ଥାନୀୟ ଲୋକେ ଉଦ୍ଧାର କରି ହିଞ୍ଜିଳିକାଟୁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ଗୁରୁତର ଦୁଇ ମହିଳାମାନେ ହେଲେ ଉକ୍ତ ଗ୍ରାମର ଶଶୀ ଆପଟ (୫୫) ନିବାସିନି ସାହୁ (୫୦) । ସୂଚନା ମୁତାବକ କୃଷି କାର୍ଯ୍ୟ ନିମନ୍ତେ ଚାଷ ଜମିରୁ ଘରକୁ ଫେରୁଥିବା ବେଳେ ଅଚାନକ କାଳ ବୈଶାଖୀ ଘଡଘଡି ସହ ବର୍ଷା ହୋଇଥିଲା ଫଳରେ ଦୁହେଁ ବଜ୍ରାଘାତର ଶିକାର ହୋଇଥିଲେ ସେମାନେ ସମ୍ପର୍କରେ ଦୁଇ ନଣଦ ଭାଉଜ । ଗୁରୁତର ଅବସ୍ଥାରେ ଉଭୟଙ୍କୁ ଉଦ୍ଧାର କରାଯାଇ ପ୍ରଥମେ ହିଞ୍ଜିଳିକାଟୁ ଓ ପରେ ଆମ୍ବୁଲାନ୍ସ ଯୋଗେ ବ୍ରହ୍ମପୁର ଏମକେସିଜି ମେଡିକାଲକୁ ସ୍ଥାନାନ୍ତର କରାଯାଇଛି ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା