ପଦ୍ମପୁର(ସମୃଦ୍ଧ ଓଡିଶା )ରାୟଗଡ଼ ଜିଲା ପଦ୍ମପୁର ବ୍ଲକ ନୂଆଗଡ଼ ପଞ୍ଚାୟତ ମହାଡ଼ିମି ଗ୍ରାମରେ ୧୮କେ.ଜି. ୧୪୫ ଗ୍ରାମ ଗଞ୍ଜେଇ ରବିବାର ଜବତ ହୋଇଛି । ଗଞ୍ଜେଇ ବିଷୟରେ ସୂଚନା ପାଇ ପଦ୍ମପୁର ଓ କେନ୍ଦୁଗୁଡ଼ା ପୁଲିସ ମିଳିତ ଭାବେ ଚଢ଼ାଉ କରିଥିଲେ । ଗ୍ରାମର ପ୍ରଚ୍ୟୁ ମାଝି ଘର ଭିତରେ ଚଢ଼ାଉ କରି ସେଠାରୁ ଏହି ଗଞ୍ଜେଇ ଜବତ କରିଥିଲେ । ଏହାର ଆନୁମାନିକ ମୂଲ୍ୟ ୫୪ ହଜାର ୫୦୦ଟଙ୍କା ହେବ ବୋଲି ପୁଲିସ ଥାନା ଭାରପ୍ରାପ୍ତ ଅଧିକାରୀ ଜୟଶ୍ରୀ ପ୍ରଧାନ କହିଛନ୍ତି । ପଦ୍ମପୁର ଥାନା ଅଧିକାରୀ ଜୟଶ୍ରୀ ପ୍ରଧାନ, କେନ୍ଦୁଗୁଡ଼ା ଥାନା ଅଧିକାରୀ ଗିରିଶଚନ୍ଦ୍ର ମହାରଣା ଓ ମାଜିଷ୍ଟ୍ରେଟ ଦାୟିତ୍ୱରେ ଥିବା ପଦ୍ମପୁର ତହସିଲଦାର ନୀଳମାଧବ ମାଝିଙ୍କ କର୍ମଚାରୀ ଏଥିରେ ସାମିଲ ହୋଇଥିଲେ । ଆସାମୀ ପ୍ରଚ୍ୟୁ ମାଝିକୁ ଗୁଣୁପୁର କୋର୍ଟ ଚାଲାଣ କରାଯାଇଛି ।
ରିପୋର୍ଟ : ତୁଷାର ରଞ୍ଜନ ସାହୁ